മറയൂരില് കാട്ടാന ആക്രമണത്തില് ഒരാള് മരിച്ചു. മറയൂര് ചമ്പക്കാട് കുടി സ്ദേശി വിമല്(57) ആണ് മരിച്ചത്.രാവിലേ 8.40-ഓടെ ചിന്നാര് വന്യജീവി സങ്കേതത്തിന് അകത്താണ് സംഭവം. കള്ളിക്കാട് ഭാഗത്ത് ഫയര് ലൈന് തെളിക്കന് പോയ ആദിവാസി വിഭാഗത്തില്പ്പെട്ട വിമലിനെ കാട്ടാന ആക്രമിച്ച് കൊലപ്പെടുത്തുകയായിരുന്നു.
ചിന്നാര് വന്യജീവി സങ്കേതത്തില് വ്യാഴാഴ്ച രാവിലെയാണ് സംഭവം.ഒന്പത് പേരടങ്ങുന്ന സംഘമാണ് ഫയര് ലൈന് ഇടാന് കാട്ടില് പോയത്. രണ്ട് സ്ത്രീകളും സംഘത്തിലുണ്ടായിരുന്നു. വിമലിനെ ഉടന് ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.വനം വകുപ്പിന്റെ പാമ്പാര് ലോഗ് ഹൗസിലേക്കുള്ള വഴി വെട്ടിത്തെളിക്കുന്നതിനായി എത്തിയതായിരുന്നു ബിമലടങ്ങുന്ന ഒമ്പതുപേരടങ്ങുന്ന സംഘം. രണ്ടുസ്ത്രീകളുള്പ്പെടെ ഈ കൂട്ടത്തിലുണ്ടായിരുന്നു. സംഘം നടന്നുപോകുന്നതിനിടെയാണ് ആനയുടെ ആക്രമണമുണ്ടാകുന്നത്.കൂട്ടത്തില് ഏറ്റവും പിന്നിലായിട്ടാണ് ബിമലുണ്ടായിരുന്നത്. ആനയുടെ മുന്നില്പ്പെട്ട ബിമലിന് രക്ഷപ്പെടാനായില്ലെന്നാണ് കൂടെയുണ്ടായവര് പറയുന്നത്. ആന തുമ്പിക്കൈകൊണ്ട് എടുത്തെറിയുകയും നിലത്തടിക്കുകയും ചെയ്തു. ഗുരുതരമായി പരിക്കേറ്റ ബിമലിനെ വനം വകുപ്പിന്റെ വാഹനത്തില് ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.
