മതവിദ്വേഷ പരാമർശം ഗുരുതര കുറ്റകൃത്യമായി പരിഗണിക്കണമെന്ന് ഹൈക്കോടതി. ചാനൽ ചർച്ചയിലെ വിദ്വേഷ പരാമർശവുമായി ബന്ധപ്പെട്ടെടുത്ത കേസിൽ പി.സി.ജോർജിന്റെ മുൻകൂർ ജാമ്യാപേക്ഷ പരിഗണിക്കവെയായിരുന്നു ഹൈക്കോടതിയുടെ പരാമർശം. നിലവില് പരമാവധി 3 വര്ഷം വരെ തടവ് മാത്രമാണ് ശിക്ഷയെന്നും പുതിയ ക്രിമിനല് നിയമത്തിലും ശിക്ഷ വര്ധിപ്പിച്ചിട്ടില്ലെന്നും ഹൈക്കോടതി ചൂണ്ടിക്കാട്ടി.മതവിദ്വേഷ പരാമര്ശ കുറ്റത്തിനുള്ള ശിക്ഷ വര്ദ്ധിപ്പിക്കണമെന്നും ജസ്റ്റിസ് പിവി കുഞ്ഞികൃഷ്ണൻ വാക്കാൽ പരാമര്ശം നടത്തി. കുറ്റകൃത്യത്തിനുള്ള ശിക്ഷ വര്ധിപ്പിക്കാന് കേന്ദ്ര സര്ക്കാര് തീരുമാനമെടുക്കണം. മതവിദ്വേഷ പരാമര്ശ കുറ്റത്തിന് പിഴയടച്ച് രക്ഷപ്പെടാന് അവസരമുണ്ട്, നിര്ബന്ധമായും ജയില്ശിക്ഷ ഉറപ്പുവരുത്തണമെന്നും ഇതൊരു മതേതര രാജ്യമാണെന്നും ഹൈക്കോടതി സിംഗിള് ബഞ്ച് ഓർമ്മിപ്പിച്ചു. ഹർജി ഹൈക്കോടതി പിന്നീട് വിധി പറയാനായി മാറ്റി.
