കാസർഗോഡ് ലോഡ്ജ് മുറിയിൽ നടത്തിയ പരിശോധനയിൽ എക്സൈസ് സംഘം 2.772 ഗ്രാം മെത്താംഫിറ്റാമിൻ കണ്ടെത്തി. ഇതുമായി മൂന്ന് യുവാക്കളെ കുമ്പള എക്സൈസ് റേഞ്ച് സംഘം അറസ്റ്റ് ചെയ്തു.ഭട്ടൂഞ്ഞി ഹൗസിൽ താമസിക്കുന്ന സി.കെ. കേത്തൻ, കുണ്ടംകരയടക്കം സ്കൂൾ സമീപത്തെ നിസാർ മൻസിലിൽ താമസിക്കുന്ന അബ്ദുൾ നിസാർ, ദക്ഷിണ കന്നട പുത്തൂർ ഗാളിയിലെ ബ്രിജേഷ് എന്നിവരാണ് പിടിയിലായത്.കുമ്പള റെയിൽവേ സ്റ്റേഷനിൽ നിന്ന് C.H.C. യിലേക്ക് പോകുന്ന റോഡിലുള്ള രാകേഷ് കോംപ്ലക്സിലെ ലോഡ്ജിൽ ഇരുവരും മുറിയിലിരിക്കെയാണ് എക്സൈസ് സംഘം റെയ്ഡ് നടത്തിയത്. പരിശോധനയിൽ മെത്താംഫിറ്റാമിൻ കണ്ടെത്തുകയും മൂന്ന് പേരെയും തടങ്കലിൽ എടുക്കുകയും ചെയ്തു.
അറസ്റ്റു ചെയ്തവരുടെ കെ.എൽ-14-എ.എ-9958 രജിസ്ട്രേഷൻ നമ്പറുളള ജുപ്പിറ്റർ സ്കൂട്ടർ എക്സൈസ് സംഘം കസ്റ്റഡിയിലെടുത്തിട്ടുണ്ട്.റെയ്ഡിന് നേതൃത്വം നൽകിയത് കുമ്പള റേഞ്ച് എക്സൈസ് ഇൻസ്പെക്ടർ കെ.വി. ശ്രാവൺ ആണ്. അസിസ്റ്റന്റ് എക്സൈസ് ഇൻസ്പെക്ടർ ഗ്രേഡ് പീതാംബരം, പ്രിവൻ്റീവ് ഓഫീസർ ഗ്രേഡ് നിതീഷ് വൈക്കത്ത്, സിവിൽ എക്സൈസ് ഓഫീസർമാരായ അഖിലേഷ്, സുര്ജിത്, ഡ്രൈവർ പ്രവീൺകുമാർ എന്നിവരും സംഘത്തിലുണ്ടായിരുന്നു.
