കേന്ദ്ര ബജറ്റില് അങ്കണവാടികള്ക്കായി പ്രത്യേക പദ്ധതി. അമ്മമാര്ക്കും, കുഞ്ഞുങ്ങള്ക്കുമായിട്ടാണ് പോഷകാഹാര പദ്ധതി. രാജ്യത്തെ 8 കോടി കുഞ്ഞുങ്ങള്ക്ക് പോഷകാഹാരത്തിനുള്ള പദ്ധതിയാണ് ആവിഷ്കരിക്കുക.എ ഐ വികസനത്തിന് 3 സെന്റര് ഓഫ് എക്സലന്സ് സ്ഥാപിക്കും. ഇതിനായി 500 കോടി രൂപ ബജറ്റില് മാറ്റിവെച്ചു. മെഡിക്കല് വിദ്യാഭ്യാസ വ്യാപനത്തിനും പദ്ധതിയുണ്ട്. 10000 കൂടുതല് മെഡിക്കല് സീറ്റുകള് നിലവില് വരും.
2014ന് ശേഷം തുടങ്ങിയ 5 ഐഐടികള്ക്ക് അധിക ഫണ്ട് വകയിരുത്തി. അടുത്ത വര്ഷത്തേക്ക് ഐഐടി, ഐഐഎസ്സി ഗവേഷണത്തിനായി പതിനായിരം പിഎം റിസര്ച്ച് സ്കോളര്ഷിപ്പ് നല്കും. എല്ലാ സര്ക്കാര് സെക്കന്ഡറി സ്കൂളുകളിലും ഇന്റര്നെറ്റ് അനുവദിച്ചു. യുവ മനസുകളില് ശാസ്ത്ര ബോധം വളര്ത്താന് അടുത്ത അഞ്ച് വര്ഷത്തിനുള്ളില് 50000 അടല് തിങ്കറിങ് ലാബുകള് രാജ്യത്ത് സ്ഥാപിക്കും. നൈപുണ്യ വികസനത്തിനായി അഞ്ച് നാഷണല് സെന്റര് ഫോര് എക്സലന്സ് സ്ഥാപിക്കും. ബിഹാറില് നാഷണല് ഇന്സ്റ്റിറ്റ്യൂട്ട് ഓഫ് ഫുഡ് ടെക്നോളജി സ്ഥാപിക്കും.