സര്ക്കാരിനെതിരെ മുണ്ടക്കൈ-ചൂരല്മല ഉരുള്പ്പൊട്ടല് ദുരന്തബാധിതരുടെ ജനകീയ സമിതി സമരത്തിലേക്ക്. ദുരന്തം ഉണ്ടായി ഏഴുമാസമായിട്ടും ഗുണഭോക്താക്കളുടെ പൂര്ണ ലിസ്റ്റ് പുറത്തുവിടാന് വൈകുന്നു എന്നാണ് ഇവരുടെ പരാതി.വീട് ലഭിക്കുന്ന കാര്യത്തില് പലര്ക്കും ആശങ്ക നിലനില്ക്കുന്നുണ്ട്. നെടുമ്പാല എസ്റ്റേറ്റിലേതുപോലെ എല്സ്റ്റണ് എസ്റ്റേറ്റിലും 10 സെന്റ് ഭൂമിയില് വീട് നിര്മ്മിക്കണമെന്ന ജനകീയ സമിതിയുടെ ഈ ആവശ്യം സര്ക്കാര് ഇതുവരെ പരിഗണിച്ചിട്ടില്ല. ഇരു എസ്റ്റേറ്റുകളും ഒന്നിച്ച് ഏറ്റെടുത്ത് പുനരധിവാസം വേഗത്തില് ആക്കണം. രണ്ട് ഘട്ടമായി ഏറ്റെടുക്കുന്നത് അനുവദിക്കാന് കഴിയില്ല. ആദ്യഘട്ട സമരം എന്ന നിലയില് കലക്ടറേറ്റിനു മുന്നില് തിങ്കളാഴ്ച ദുരന്തബാധിതരുടെ ഉപവാസം നടത്തും – ജനകീയ സമിതി വ്യക്തമാക്കുന്നു.
ഉരുള്പൊട്ടലില് തകര്ന്ന മുണ്ടക്കൈ-ചൂരല് മല മേഖലയുടെ പുനര്നിര്മ്മാണത്തിനായി 529.5 കോടിയാണ് കേന്ദ്രം വായ്പയായി നല്കിയത്. ഈ സാമ്പത്തിക വര്ഷം തന്നെ ഉപയോഗിക്കണം എന്ന നിബന്ധനയോടെയാണ് വായ്പ അനുവദിച്ചിരുന്നത്.