കഴിഞ്ഞ ദിവസം ഉണ്ടായ കപ്പൽ അപകടത്തെ തുടര്ന്ന് തിരുവനന്തപുരം ജില്ലയിലെ തീരപ്രദേശങ്ങളിൽ ചിലയിടങ്ങളില് പ്ലാസ്റ്റിക് അടിഞ്ഞിരിക്കുന്ന സാഹചര്യത്തിൽ സിവിൽ ഡിഫൻസിന്റെ സേവനം ഉപയോഗപ്പെടുത്തി പ്ലാസ്റ്റിക് നീക്കം ചെയ്യാൻ മുഖ്യമന്ത്രി ചീഫ് സെക്രട്ടറിക്ക് നിർദ്ദേശം നൽകി.
ഇതിന്റെ അടിസ്ഥാനത്തിൽ ചീഫ് സെക്രട്ടറി തിരുവനന്തപുരം, കൊല്ലം , ആലപ്പുഴ ജില്ലാ കളക്ടർമാരുടെ അടിയന്തര യോഗം വിളിച്ചു.
വളരെ പെട്ടെന്ന് തന്നെ പ്രശ്ന പരിഹാരം ഉണ്ടാക്കാൻ മുഖ്യമന്ത്രി നിർദ്ദേശം നൽകി.
ആശങ്കയ്ക്ക് അടിസ്ഥാനമില്ല എന്നും മാലിന്യം നീക്കി പൂർവ്വ സ്ഥിതി പാലിക്കാൻ പെട്ടെന്ന് സാധിക്കുമെന്നും മുഖ്യമന്ത്രി പറഞ്ഞു.