കണ്ണൂർ സർവകലാശാലയുടെ പാലയാടുള്ള ഡോ. ജാനകി അമ്മാൾ ക്യാമ്പസ്സിലെ ആന്ത്രോപോളജി വകുപ്പിൽ ഫീൽഡ് അസിസ്റ്റന്റ് തസ്തികയിലേക്ക് അഭിമുഖം നടത്തുന്നു. 850 രൂപ ദിവസവേതന നിരക്കിൽ 179 ദിവസത്തേക്ക് അല്ലെങ്കിൽ എംപ്ലോയ്മെന്റ് എക്സ്ചേഞ്ച് വഴി ഒഴിവ് നികത്തുംവരെ ആണ് നിയമനം. യോഗ്യരായവർ 21.10.2025 ന് രാവിലെ 10.30 ന് വകുപ്പ് തലവൻ മുമ്പാകെ ഹാജരാവുക.
ഫോൺ: 7306130450
അഫിലിയേറ്റഡ് കോളേജുകളിലെ ഒൻപത് , അഞ്ച് സെമസ്റ്റർ ഇന്റഗ്രേറ്റഡ് എം എസ് സി ഇൻ കമ്പ്യൂട്ടർ സയൻസ് വിത്ത് സ്പെഷ്യലൈസേഷൻ ഇൻ ആർട്ടിഫിഷ്യൽ ഇന്റലിജൻസ് ആൻഡ് മെഷീൻ ലേണിംഗ് (റെഗുലർ / സപ്ലിമെന്ററി / ഇംപ്രൂവ്മെന്റ് ) ഒക്ടോബർ 2025 പരീക്ഷകളുടെ ഹാൾ ടിക്കറ്റ് സർവകലാശാല വെബ്സൈറ്റിൽ ലഭ്യമാണ്
അഫിലിയേറ്റഡ് കോളേജുകളിലെ ഏഴ് , മൂന്ന് സെമസ്റ്റർ ഇന്റഗ്രേറ്റഡ് എം എസ് സി ഇൻ കമ്പ്യൂട്ടർ സയൻസ് വിത്ത് സ്പെഷ്യലൈസേഷൻ ഇൻ ആർട്ടിഫിഷ്യൽ ഇന്റലിജൻസ് ആൻഡ് മെഷീൻ ലേണിംഗ് (റെഗുലർ / സപ്ലിമെന്ററി / ഇംപ്രൂവ്മെന്റ് ) ഒക്ടോബർ 2025 പരീക്ഷകളുടെ ടൈം ടേബിൾ സർവ്വകലാശാല വെബ്സൈറ്റിൽ പ്രസിദ്ധീകരിച്ചു
പരീക്ഷാ തീയതി പുനഃക്രമീകരിച്ചു
പാലയാട് സ്കൂൾ ഓഫ് ലീഗൽ സ്റ്റഡീസിലെ അഞ്ചാം സെമസ്റ്റർ ബി എ എൽ എൽ ബി (റെഗുലർ/ സപ്ലിമെന്ററി ) നവംബർ 2025 പരീക്ഷകൾ 22.10.2025 ന് ആരംഭിക്കുന്ന വിധം പുനഃ ക്രമീകരിച്ചു . പുതുക്കിയ ടൈം ടേബിൾ ഉടൻ പ്രസിദ്ധീകരിക്കും
പ്രൈവറ്റ് രജിസ്ട്രേഷൻ, വിദൂര വിദ്യാഭ്യാസം ഗ്രേഡ് കാർഡ് വിതരണം
കണ്ണൂർ സർവ്വകലാശാല പ്രൈവറ്റ് രജിസ്ട്രേഷൻ സ്കീമിൽ 2022 പ്രവേശനം(റഗുലർ), 2019 പ്രവേശനം( സപ്ലിമെന്ററി), 2011 മുതൽ 2018 വരെ പ്രവേശനം (വിദൂര വിദ്യാഭ്യാസം, മേഴ്സി ചാൻസ്) ഗവ: കോളേജ്, മാനന്തവാടി പരീക്ഷാ കേന്ദ്രമായി തിരഞ്ഞെടുത്ത് ബി.എ. / ബി.ബി.എ. / ബികോം ഡിഗ്രി പരീക്ഷ എഴുതിയ വിദ്യാർഥികളുടെയും, ഗ്രേഡ് കാർഡുകൾ 16-10-2025 വ്യാഴാഴ്ച കണ്ണൂർ സർവ്വകലാശാല മാനന്തവാടി ക്യാംപസിൽ വച്ച് രാവിലെ 10.30 AM മുതൽ 3.00 PM വരെ വിതരണം ചെയ്യുന്നു.
ഹാൾ ടിക്കറ്റ്/ സർവ്വകലാശാല നൽകിയ തിരിച്ചറിയൽ രേഖ എന്നിവയുടെ അസ്സൽ സഹിതം വിദ്യാർത്ഥികൾ നേരിട്ട് ഹാജരാകേണ്ടതാണ്. നേരിട്ട് ഹാജരാകാത്ത വിദ്യാർഥികളുടെ ഗ്രേഡ് കാർഡുകൾ മറ്റുള്ളവരുടെ കൈവശം നൽകുന്നതല്ല.
ഏകദിന ശിൽപശാല 2025 സംഘടിപ്പിച്ചു
കണ്ണൂർ സർവകലാശാലയിലെ ഐപിആർ സെൽ, കേരള സ്റ്റേറ്റ് കൗൺസിൽ ഫോർ സയൻസ്, ടെക്നോളജി ആൻഡ് എൻവയോൺമെന്റ് (കെഎസ്സിഎസ്ടിഇ) യുടെ കീഴിലുള്ള ബൗദ്ധിക സ്വത്തവകാശ വിവര കേന്ദ്രവുമായി (ഐപിആർഐസി-കെ) സഹകരിച്ച്, ഉന്നത വിദ്യാഭ്യാസത്തിൽ ബൗദ്ധിക സ്വത്തവകാശങ്ങളുടെ പങ്കിനെക്കുറിച്ച് ഒരു ഏകദിന ശിൽപശാല 2025 ഒക്ടോബർ 13 ന് സംഘടിപ്പിച്ചു.mപാലയാട് ഡോ. ജാനകി അമ്മാൾ കാമ്പസിലെ സിവിൽ സർവീസ് പരിശീലന ഹാളിൽ രാവിലെ 9:00 മണിക്ക് രജിസ്ട്രേഷൻ ആരംഭിച്ച് വർക്ക്ഷോപ്പ് നടത്തി.
കണ്ണൂർ സർവകലാശാലയിലെ ഗവേഷണ വികസന സെൽ ഡയറക്ടറും ബയോടെക്നോളജി & മൈക്രോബയോളജി വിഭാഗം പ്രൊഫസറുമായ പ്രൊഫ. (ഡോ.) അനു അഗസ്റ്റിൻ രാവിലെ 9:30 ന് പരിപാടി ഉദ്ഘാടനം ചെയ്തു. ഐപിആർ സെല്ലിന്റെ കോർഡിനേറ്ററും സ്കൂൾ ഓഫ് ലീഗൽ സ്റ്റഡീസിലെ അസിസ്റ്റന്റ് പ്രൊഫസറുമായ ഡോ. കവിത ബാലകൃഷ്ണൻ സ്വാഗത പ്രസംഗം നടത്തി. കെഎസ്സിഎസ്ടിഇയിലെ പേറ്റന്റ് ഇൻഫർമേഷൻ സെന്റർ കേരളയിലെ പ്രോജക്ട് സയന്റിസ്റ്റ്-I ശ്രീമതി ചൈതന്യ പി.സി. ആശംസകൾ അർപ്പിച്ചു. ഐപിആർ സെൽ അംഗവും രസതന്ത്ര വിഭാഗം അസോസിയേറ്റ് പ്രൊഫസറുമായ ഡോ. ബൈജു കെ.വി. നന്ദി പ്രകാശനം ചെയ്യതു.
ബൗദ്ധിക സ്വത്തവകാശ സംരക്ഷണത്തിന്റെയും പേറ്റന്റ് നടപടിക്രമങ്ങളുടെയും വിവിധ വശങ്ങളെ അഭിസംബോധന ചെയ്യുന്ന മൂന്ന് സാങ്കേതിക സെഷനുകളാണ് വർക്ക്ഷോപ്പിൽ ഉണ്ടായിരുന്നത്. മെസ്സേഴ്സ് ലീഗലൈറ്റ്സ് ഐപി സർവീസസിലെ അഡ്വക്കേറ്റ് ഫെബിൻ ജെയിംസ്, നവീകരണവും സർഗ്ഗാത്മകതയും സംരക്ഷിക്കുന്നതിൽ ഐപിആറിന്റെ പങ്കിനെക്കുറിച്ച് ചർച്ച ചെയ്യതു. ഡൈംലർ ഇന്ത്യ കൊമേഴ്സ്യൽ വെഹിക്കിൾസ് പ്രൈവറ്റ് ലിമിറ്റഡിലെ പേറ്റന്റ് കൺസൾട്ടന്റായ ശ്രീ. സി.ആർ. രാകേഷ്, പേറ്റന്റ് ഫയലിംഗ് നടപടിക്രമങ്ങളും പേറ്റന്റ് ഡ്രാഫ്റ്റിംഗിന്റെ അടിസ്ഥാനകാര്യങ്ങളും വിശദീകരിച്ചു. പേറ്റന്റ് തിരയൽ നടപടിക്രമങ്ങളെക്കുറിച്ചും ഐപി സംരക്ഷണത്തിനായി ഐപിആർഐസി-കെയിൽ നിന്ന് ലഭ്യമായ പിന്തുണയെക്കുറിച്ചും ശ്രീമതി ചൈതന്യ പി.സി പങ്കെടുക്കുന്നവരെ നയിച്ചു