സിപിഐഎം തിരുവന്തപുരം ജില്ലാ സെക്രട്ടറിയുടെ താല്ക്കാലിക ചുമതലക്കാരനായി എ.എ.റഹീം എംപിയെ തിരഞ്ഞെടുത്തു. റഹീമിന് ചുമതല നല്കാനുള്ള സെക്രട്ടേറിയറ്റ് നിര്ദ്ദേശം ജില്ലാ കമ്മിറ്റി അംഗീകരിച്ചു. നിലവിലുളള ജില്ലാ സെക്രട്ടറി വി.ജോയി വര്ക്കലയില് വീണ്ടും മത്സരിക്കുന്ന സാഹചര്യത്തിലാണ് രഹീമിന് താല്ക്കാലിക ചുമതല ലഭിക്കുന്നത്.
നേരത്തെ, വി ജോയിയുടെ വര്ക്കലയിലെ സ്ഥാനാര്ത്ഥിത്വത്തില് അനിശ്ചിതത്വം നിലനിന്നിരുന്നു. ജില്ലാ സെക്രട്ടറിയായതിനാല് ജോയി മത്സരിക്കേണ്ട എന്നായിരുന്നു തുടക്കത്തില് സംസ്ഥാന നേതൃത്വത്തിന്റെ അഭിപ്രായം. എന്നാല് ജോയി മത്സരിച്ചില്ലെങ്കില് വര്ക്കല സീറ്റ് നിലനിര്ത്താന് ആകില്ലെന്ന് ജില്ലാ നേതൃത്വം നിലപാട് എടുക്കുകയായിരുന്നു.