തളിപ്പറമ്പ്-ഇരിട്ടി സംസ്ഥാന പാതയിൽ ട്രാവലർ കത്തി നശിച്ചു. ശ്രീകണ്ഠപുരം പെട്രോൾ പമ്പിന് സമീപം പുലർച്ചെ 3.30നാണ് സംഭവം. നടുവിൽ സ്വദേശിയായ ദീപേഷിന്റെ ഉടമസ്ഥതയിലുള്ള ട്രാവലറാണ് കത്തി നശിച്ചത്. സമീപത്ത് മറ്റു വാഹനങ്ങൾ ഇല്ലാതിരുന്നത് വൻ ദുരന്തം ഒഴിവാക്കി.
തളിപ്പറമ്പിൽ നിന്നെത്തിയ അഗ്നിരക്ഷാ സേനയുടെ നേതൃത്വത്തിൽ അണച്ചത്. വാഹനം പൂർണ്ണമായും കത്തി.മറയൂർ ഭാഗത്ത് ട്രിപ്പ് പോയി രാത്രി ചെമ്പേരിയിൽ ആളുകളെ തിരിച്ച് ഇറക്കിയ ശേഷം പാർക്ക് ചെയ്തതായിരുന്നു.